【生態災難】沙灘掘海星麵包蟹大埔街市售賣　網民批無良檔主：買返去畀細路仔玩死為止

沙灘生物應好好保護，惟有網民指，在大埔墟街市見到有攤檔售賣海星、海膽、寄居蟹、麵包蟹等生物，檔主更稱，「買返去畀細路仔玩死為止」。帖文一出引起網民熱議。

有網民在facebook群組「Tai Po大埔」圖文並茂發帖，稱在大埔墟街市見面沙灘生物，

唔怪得咁多人犯法走去沙灘掘呢樣掘嗰樣, 原來掘完返嚟攞去街市賣。

該名網民還稱，檔主還教，「如果要鹹水, 佢話攞個樽黎佢會裝畀你, 畀啲蝦肉佢哋食喎, 一條龍教曬你點做。」又稱「可以買返去畀細路玩」。樓主直斥檔主無良，「主要係買返去畀啲細路仔玩死為止。」

帖文一出引起網民熱議，大批網民直斥破壞生態環境；有網民稱，「佢哋係預咗買返去畀啲細路虐待同撕殺」；另有網民稱，「頭先行過佢地仲有活海膽同埋Ｄ細魚仲有滕壼買」。

TOPick新聞編輯部製作電子書《食用安全手冊》，提供自家檢測報告，包括雞蛋、搓手液、兒童口罩等，更有牛奶、清潔用品等食安檢測報告【按此免費下載食用安全手冊】

責任編輯：王俊賢